ღ♥ღ رجـيـتـك لا تـخـلـيـنـي ღ♥ღ

فــديتــك ياهوى نفسي مع الشدات خاويني
فــديتــك لاقسى وقتي علي وناحت أشجاني ..

أبيك في لحظة الفـزعه تـحط يديك بيديـني
وأبيك ليا شكيــت الياس تكون بساحة أوطاني ..

أبيك البلسم لجــرحي وأبيك النوم في عيني
طلبتــك يابعد ذاتي "أمااااانــه"لاتخليني ..

تراني لو رحلت أبقى ضحــية كيد عدواني
ســألتك بربك الوالي ســألتك لاتجافيني ..

لإني أمــوت بغيابك ياروحي وجثماني
معي واصل مشاويرك أواسيك وتواسيني ..

معي إبقى مثل ظلي حذاااااااري لاتعــداني
أبي منك وعد إنك على 'غيري' تبــديني ..

وأنا هذا وعد مني ماأبيعــك وأشري الثاني
وإذا بلسانك الصادق نطقت وقلت تغليني ..

أنا بأعلن ''خبر عاااجل''تعالوا إقروا إعلاني
أبكتب داخل الإعلان إلى من صار يغليني ..

إلى قلبي إلى عمـري إلى من صار يهـواني
إليك أهدي نغم شعري وكل عرق نبض فيني ..

وإليك أهدي شذى عطري وياسميني وريحاني
وأبكتب داخل الإعلان وصيه إن كنت شاريني..

معي بالطيب عاملني ولاتقوى بهجــراني
ومهما تقســى هالدنيا علينا لاتعادينــي ..

ولاتسعى أبد في يوم لعنــادي وعصياني
أبيك دكتـور لآلامي من أحزاني تداوينـي..

وأبي لاكفت أبصاري تكون ((النور))لأعيـاني
وأبي لا فاضت أنفاسي تكون أول معزينــي..

وأبيك بيدينك الثنتين تلف جسمي بأكفــاني
وبعد ماأكون في قبــري تذكرني وتبكينــي..

وأكون دايم على بالك ماتغفــل وتنساني
أبي لاقالوا العــذال وش إللي بينك وبيني..

تبسـم وتدمع عيونك من حسـرة فقـداني
وتجاوبهم بإني حي وبالأضلاع تخفينـي ..

وإني سلوة الخــاطر معك لاصرت وحداني
أبيك تقول هو مامات أحاكيه ويحاكينــي..

أبيك تقول هو موجود وخبيتــه بوجداني
أبيك تقول هو دمــي تراه يسري بشراييني..

وأبي لازادت جراحك تخيلنــي وتنــاديني
وتفتش داخل شعورك وتهمس لي وتلقــاني..

وإذا طال الفــراق إقرا كتاباتي ودواويـني
وقل ياكثر ماخلـي كتب لي شعر وأهــداني..

وترى لو للقصيد عيــووون والله ماتقدينــي
لأني للقصيد 'عيــون' وإسمك 'رمــز ديواني'..

وترى لو للحروف أهــداب بتعجز لاتغطينـي
لأني للحروف إيحاء ووحيك سر لإذعــاني..

تداركت الزمن يمــك إلا ياليت يمدينــي
(أخــاف) أجيك متأخر وسيف الوقت ياطاني..

نسيت عشانك الصادق إللي للروح يعطينــي
ونسيت الأول والآخــر والقــاصي مع الداني..

لأنك دمــي إللي يضخه عـرق شريــاني ..
ودنيا مابها حسك (ماأبيهــا) وعمرنا فــاني ..

كفايه إنـت في دنيـأي أمل باقي يسلينـي
أمل صوته إذا ضاع الأمل ألقاه بأركــاني..

كفايه همســك الحاني إذا جاني يدفينــي
ويبدد وحشة ظروفي وتشرق فرحة أكــواني..

تراك بعالمي شمعــه تبدد ظلمة سنيني
وتراك بدنيتــي دنيا لها لون وشكل ثــاني..

موضوع: jkbg السبت مارس 12, 2011 4:40 pm

شكرا قصيدة روووعة

يعطيك الف عااااااااااااااااافيه
قصيده جونااااان ومؤثره
رووعه دوم التميز لاه=خلا ولاعدم خيي

تقبل مروري ودي afro

واووووووووووو قصيـــده جوونانيه بجد لاا هنتي قلبي ع الطرح
وبانتظاار جديدك .. احترامي لسمووك